القائمة الرئيسية

الصفحات

الأخبار[LastPost]

متفقدة تعليم إعدادي وثانوي تكشف عن مصيبة كبرى في مناظرة السيزيام


كتبت الاستاذة سلوى العباسي وهي متفقدة تعليم ابتدائي و ثانوي على مادة القراءة المقدمة في مناظرة السيزيام ما يلي :”


أيا نتكلم والا نسكت على امتحان العربية في السيزيام؟

في بالكم الي الفعل “شحذ” المقصود به تسوّل واستعطى لا وجود له في العربية الفصحى وهو من اللهجة المصرية الدارجة “شحت شحّات” وحتى في تونس نقولو “يتشحّت فيه” بالتاء وليس بالذال؟ انظروا لسان العرب لابن منظور مادة (ش، ح، ذ) لا وجود لمعنى التسول في مدلولات الفعل.

مالا عودوا ثبتوا يا لجان.


أما النص فعصيّ على فهم تلميذ السنة السادسة لأنّه مليء بالعبارات التي تفوق مستواه اللغوي

مش جماعة البحيرة عملوا إطار مرجعي للألسن؟

مالا كيفاش نفرقو بين مستوى أ1 -أ2-ب1-ب2-ج1-ج2؟

كيف نفرق بين نص موجه الى تلميذ السادسة ابتدائيا وبين نص هو في الأصل موجه الى تلميذ الأولى ثانويا يدرس ما يشبهه في محور الأقصوصة؟


هاكم ما عملتو به شيء الإطار المرجعي للألسن.


تطلبو من تلميذ عمره 12 سنة يشرحلكم “تتعاوره”- “يستجدي”- “ينوء” مش حرام عليكم؟


يا الي عملت امتحان السيزيام نحبك تجي على غفلة لزميلك والا زميلتك وتسئله مرادف “تتعاوره” توا تشوف أش يوكوك ويرتج عليه وتصيبه الحبسة


وتزيد تطلب منه جمع “بهيّ” (أبهياء) هكة من دون الجموع الشائعة تختارله أبهياء؟


و”ملقيها” كلمة والا تركيب؟



والغلبة في الإنتاج الكتابي الحجاجي شنوة الفرق بينه وبين الحجاج في التاسعة وتقله سرد مغنى بالوصف والحوار.


وفوق هذا الكل 5 أسئلة فهم ونصفها إنشائي كان مش مقالي خاطر فيها إبداء رأي معها 5 أسئلة لغة بتفريعاتها ومعاها إنتاج كتابي من البنى المركبة (سرد+ وصف+ حوار+ حجاج)les structures hétérogènes هذا الكل في ساعة؟؟؟؟؟؟؟؟؟؟؟؟؟؟؟؟؟؟؟؟؟؟؟؟


شنوة هذا؟ ماك يا لجنة تعلم اقسم زمن الإجابة على عدد المهام جرب اقسم 60 دق على نشاط قراءة وفهم+ 5 أنشطة فهم واستدلال وكتابة وإبداء رأي+ و5 لغة تحليل وتصريف وتركيب+ إنتاج غادي من مركب وشوف تره كل إجابة قداش تاخذ وقت