سوسن معالج فخورة برشا بسوسن الجمني الي قطعت مع مسلسلات النظام العائلي متاع التسعينات


نشرت الممثلة سوسن معالج تدوينة علقت من خلالها على الأعمال الدرامية العربية وخاصة التونسية قائلة :


"صحة شريبتكم


بعد إذنكم لو سمحتم ، جيت ندلي بدلوي بعد أسبوع من الفرجة على الاعمال الرمضانية و بإعتبار الحقبة الزمنية العويصة التي تمر بها مجتمعاتنا المتخبّطة في شتّى أنواع العذابات الإقتصادية و والأخلاقية و السياسية و الإجتماعية 

حبيت نحيّي أهل القطاع على رباطة الجأش و الصمود في وجه الأزمة الإقتصادية


و على الجرأة في طرح المواضيع الآنية الحارقة بعد سنوات من الدمار الفكري المجتمعي و السيكولوجي إبان الربيع الثوري في نوعية الاعمال المطمئنة، بمعنى المسلسل الكلاسيكي المتوجه لعموم الشرائح الإجتماعية " الهرشة السابعة" من أحسن الأعمال حتى لتوا في تونس فخورة بربيع التكالي و سوسن الجمني و فريقيهما


 جيل جديد من المخرجين قاعد يقطع مع المسلسل "النظامي" العائلي الي تعودنا عليه في التسعينات و الألفينات و يتوجه أكثر نحو العالمية شكلا و مضمونا رغم القتامة و الزربة و الارتباك ، على خطى الأسعد الوسلاتي و مجدي السميري وقبلهم مراد بالشيخ و نجيب بالقاضي شفنا وجوه جديدة تبشّر بكلّ خير على غرار البنية رحمة بن عيسى ووجوه نضجت و كبرت و قرّت زيتها على غرار محمد بن مراد

عائشة بن أحمد نوّرتينا

حجر الواد نصرالدين السهيلي شاهد على العصر بحلوو و مرّو كإفراز طبيعي أكثر من بديهي


يعطيكم ألف صحة الناس الكلّ ♥️

هذا غيض من فيض في انتظار اكتمال الأعمال لإمكانية مناقشتهم بصفة جدية و مهنية بعيد عن الانتظارات الفردية و الإسقاطات العصبية والتحليلات الوجدانية".



أحدث أقدم

نموذج الاتصال